AVTO-AZ

Mercedes-Benz E 280

KENT — Thu, 27 Jan 2011 15:01:49 GMT

Buraxılış ili:	2006
Ban tipi:	Sedan
Yürüş (km.):	30 522 km.
Rəng:	Qara
Sürət qutusu:	Avtomatik
Mühərrikin tipi:	Benzin
Mühərrikin həcmi (lt):	3.0 (lt.)
At gücü:	231
Kondisioner:	Avtomatik

Avtomobilin təchizatı:

ABS
ESP
avtomatik şüşəqaldıran
dəri salon
kruiz kontrol
ksenon lampalar
lyuk
mərkəzi qapanma
monitor
park radarı
qızdırılan oturacaqlar
tam ötürücülü
təhlükəsizlik yastıqları
yaddaşlı oturacaqlar
yüngül lehimli disklər
avtomaqnitofon
CD-audio sistemi
dumana qarşı işıqlar
fara yuyucusu
siqnalizasiya
telefon
tiptronik
yağış sensoru

SUPER MAŞINDIR CƏMİ 30522km SÜRÜLÜB MAŞINA ZƏMANƏTDƏ VERİLİR TƏCİLİ PUL LAZIMDIR SATIRAM

Əlaqə:

ASIF
0505282927

Elanın kodu: EF 1029817
Bu elana 32 dəfə baxılıb.
Əlavə olunub: 27 Yanvar 2011

Detroyt avtoşou: Audi А6 və A6 Hybrid 2012

KENT — Wed, 26 Jan 2011 11:56:21 GMT

Yeni A6-nın kuzovu qısaldılaraq uzunluğu 4,92 metrə endirilib, kuzovun hündürlüyü və eni isə, müvafiq olaraq, 1,87 və 1,46 metr təşkil edir. Təkər bazasının ölçüsü 2,91 metrədək artıb. Yeni A6 bu sinfə aid avtomobillər arasında ən yaxşı aerodinamik müqavimət əmsalına malikdir – 0,26. Kuzovda alüminium materialların istifadəsi hesabına avtomobilin çəkisi 80 kiloqramadək azalıb.

Opsiya qismində ksenon faralar və işıq-diodlar təklif olunur, qarşıdan nəqliyyat vasitəsi gəldikdə uzaq məsafə işıqlarını yaxın məsafə işıqları əvəzləyir. Faralar naviqasiya sisteminin məlumatları əsasında döngə yerlərdə işıq selini qabaqcadan (sürücü sükanı döndərməmiş) lazımi tərəfə döndərirlər.

Yeni Audi A6 iki benzin mühərriki və ya birbaşa yanacaqçiləmə sistemli üç dizel mühərriki, qazbölüşdürmə fazalarının dəyişdirilməsi sistemi ilə təchiz oluna bilər. Bunların sayəsində yanacağa ümumi qənaət orta hesabla 19% arta bilər. 2,0 və 3,0 litr həcmli dizel mühərrikləri (müvafiq olaraq 177 və 203 at gücündə) yalnız ön ötürücü ilə təklif olunacaq və yalnız altı pilləli mexaniki transmissiya ilə və ya pilləsiz variatorla təchiz olunacaq. 245 at gücünə malik olan daha güclü V6 dizel mühərriki yalnız yeddi pilləli robotlaşdırılmış S-tronic transmissiyası ilə (iki bəndləyici ilə) və tam ötürücü ilə təchiz olunacaq. Eyni sözlər 3,0 litr həcmə və 300 at gücünə malik benzin mühərrikinə də aiddir. 2,8 litr həcmə və 204 at gücünə malik benzin mühərriki isə mexaniki transmissiya ilə (ön ötürücülü versiya üçün) və S-tronic transmissiyası ilə (tam ötürücülü versiya üçün) təklif olunacaq.

Bir müddət sonra satışda hibrid güc qurğusu ilə (ümumi gücü 245 at gücü təşkil edən 2,0 litr həcmli turbinli motorla və elektromotorla) təchiz olunmuş versiyalar peyda olacaq. Avtomobil elektrik motoru ilə 3 kilometrədək məsafə qət edə biləcək, sürət 100 km/saatı keçdikdə daxiliyanma mühərriki avtomatik işə düşəcək. Qarışıq rejimdə yanacaq sərfi 100 km məsafəyə 6,2 litr təşkil edir. Bu model ön ötürücülü olacaq. Audi A6 modelləri cərgəsini həmçinin universal Avant kuzovlu versiyalar, offrouder versiyası Allroad, habelə gücləndirilmiş S6 və RS6 versiyaları tamamlayacaq.

Almaniyada yeni Audi A6-nın dəyəri 38.500 avrodan başlayacaq.

Porsche 918 RSR avtomobili: yeni eko-texnologiyalar

KENT — Wed, 26 Jan 2011 11:53:30 GMT

Porsche üçün yeni il Detroytdan başladı. Şimali Amerika beynəlxalq avtoşousunda almanlar 918 RSR modelini təqdim etdilər.

Yeni model 6,2 litr həcmə və 563 at gücünə malik V8 mühərriki ilə təchiz olunur. Mühərrikin gücü arxa oxa ötürülür. Benzin mühərriki ilə yanaşı ön tərəfdə hər biri 75 kilovatt gücündə olan iki elektromotor işləyir. Beləliklə, mühərriklərin ümumi gücü 767 at gücünə çatır.

Porsche 918 RSR həmçinin yeni rekuperasiya sistemi ilə təchiz olunur: adi sistemdən fərqli olaraq, burada hərəkət nəticəsində yaranan enerji batareyalara deyil, nazimçarx-generatora ötürülür.

Yeni avtomobilin seriya ilə istehsal edilib-edilməyəcəyi barədə məlumat verilmir.

Yeni Mulsanne

KENT — Wed, 26 Jan 2011 11:51:56 GMT

Ötən əsrin 20-ci illərində Le-Manda Bentley markalı məşhur yaşıl bolidlərlə heç kim rəqabət apara bilmirdi. Həmin vaxt bu avtomobillər az qala avtomobil istehsalının etalonu sayılırdılar. Yəqin ki, məhz bu səbəbdən onlar Le-Manda 24 saatlıq avtomobil yürüşündə altı dəfə qalib gələ biliblər.

Müasir avtomobil yürüşçülərinin saatda 350 kilometrədək şütüdükləri "Mulsann” (Mulsanne) adlanan uzun düz yola bu ad Bentley Mulsanne modelinin şərəfinə verilib. Bu modelin təqdimatı ilk dəfə 1980-ci ildə keçirilib, bundan sonra o, 1992-ci ilədək buraxılıb.
Avtomobil 6,75 litr həcmə və 300 at gücünə malik turbomühərriklə təchiz olunurdu. Bu mühərrik uzun illər ərzində bu avtomobili seriya ilə buraxılan sedan modelləri arasında ən sürətli avtomobilə çevirmişdi.

Xarici görünüşü

Bu gün, uzun illərdən sonra dünya yeni nəsil Mulsanne avtomobilini gördü. O, Arnage modelini əvəz edəcək. Şirkətin rəhbərliyi etiraf edib ki, yeni modelin hazırlanma layihəsinin təsdiq olunmamaq ehtimalı böyük idi.
Belə ki, Bentley-in hazırkı sahibi olan Volkswagen konserni Bentley Continental Flying Spur sedanının hazırlanmasını daha vacib sayaraq, bu cür bahalı avtomobilin hazırlanmasından imtina etməyi planlaşdırırdı. Amma britaniyalıların irəli sürdüyü çoxsaylı dəlillər nəticəsində Mulsanne modelinin maliyyələşdirilməsinə nail olundu (qeyd edək ki, bu avtomobil ötən ilin avqustunda Pebbl-Biçdə klassik avtomobillərin şousunda nümayiş etdirilib).

Onu da qeyd etmək lazımdır ki, köhnə (qədimi) avtomobillərin nümayiş etdirildiyi Pebbl-Biç sərgisində yenilənmiş Mulsanne olduqca əla görünürdü. Bunun əsas səbəbi o idi ki, köhnə dövrün avtomobillərinin dizaynı ilə Mulsanne modelinin xarici görünüşü arasında oxşar cəhətlər çoxdur.

Şirkətin özündə isə bu avtomobilin uzaq keçmişdə məşhur olmuş 8 Litre sedanı ilə (bu sedan hələ 1930-cu ildə buraxılırdı) müqayisə edilməsi adi hal alıb. Burada söhbət heç də bu iki modelin zahiri oxşarlığından getmir, söhbət ondan gedir ki, Mulsanne bu markanın sedanlarını digər avtomobillər arasında fərqləndirən əzəmətli və monumental üslubda hazırlanıb.

Onun dizaynı kübarsayağı təmkinlik və ekstravaqantlıq cizgiləri arasında əbədi mübahisəni təcəssüm etdirir. Yuxarı qaldırılmış pəncərə xətləri, genişlənmiş "çiyinlər”, damın yoğun arxa dayaqları, habelə 20 düym ölçülü cilalanmış iri disklər avtomobilin əzəməti və daxili gücü barədə təəssüratı daha da artırır. Yeni avtomobilə yan tərəfdən baxdıqda, uzadılmış kapot və kuzovun arxa kənarları diqqəti cəlb edir.

Avtomobilin ön hissəsi həm klassik, həm də müasir cizgiləri özündə cəmləşdirib. Burada ənənəvi xromlanmış radiator barmaqlığı quraşdırılıb, ətrafındakı dörd dairəvi fara (onlar Continental GT modelində quraşdırılmış faralara bənzəyir) onun vizual görüntüsünü xüsusi vurğulayır.

Dizaynerlərin bu addımı kifayət qədər ziddiyyətli təəssürat yaradır, amma bu cür variantlar şirkətin məşhur dizayneri Dik van Brekkelin üslubuna xasdır (yeri gəlmişkən, hər iki modelin dizaynını o hazırlayıb). Bamper kifayət qədər iri havaçəkənlə diqqəti cəlb edir.

Avtomobil ənənəvi olaraq çoxsaylı xrom elementlərlə bəzədilib, istər yan tərəflərdə, istərsə də pəncərə çərçivələrində moldinqləri görmək olar. Yeni avtomobili həmçinin fənərlərin gümüşü haşiyələri, qapı dəstəkləri və boruların oval formalı qurtaracaqları bəzəyir.

Qabaritləri və salonu

Bentley Mulsanne avtomobilinin ölçüləri iridir, o, Arnage modelindən xeyli böyükdür. Onun uzunluğu 5575 mm-dək (185 mm), hündürlüyü 1521 mm-dək (6 mm), təkər bazasının ölçüsü isə 3266 mm-dək (150 mm) artırılıb. Avtomobilin eni isə, əksinə, 1926 mm-dək kiçildilib. Sedanın ölçülərinin böyüməsinə baxmayaraq, konstruktorlar onun çəkisini 30 kq. azaltmağa nail olublar.

Onlar kapotun, ön bamperin və qapıların hazırlanmasında alüminium xəlitəsindən istifadə etmək sayəsində buna nail olublar. Baqaj bölməsinin damına gəldikdə, o, ümumiyyətlə, kompozit materiallardan hazırlanıb. Bununla belə, Mulsanne avtomobilini yüngül çəkili modellər kateqoriyasına aid etmək olmaz, axı onun çəkisi 2586 kq. təşkil edir.

Yığımın keyfiyyəti yüksək səviyyədədir – hətta mütəxəssis də kuzov detallarının birləşdirildiyi yerləri çətin sezə bilər.
Salonun tərtibatı da yüksək səviyyədədir. Burada bütün işlər əllə görülüb və 170 saata yaxın vaxt aparıb. Təkcə sükan çarxının hazırlanması 15 saatlıq gərgin əmək tələb edib, alüminium elementlərin cilalanmasına isə 10 saat sərf olunub.

Salonun tərtibatında işlənmiş materiallara gəldikdə, onların keyfiyyəti olduqca yüksəkdir. Məsələn, burada plastika kimi sintetik materiallara, praktiki olaraq, rast gəlməzsiniz. Salonun dekorasiyasında və üzlüyünün işlənməsində təbii ağaclardan və zərif dəridən istifadə edilib, xalçalar isə qoyun yunundan hazırlanıb.

Doğrudur, bu təmtəraqlı avtomobil, çətin ki, ətraf mühitin mühafizəsi cəmiyyətinin təmsilçilərinin xoşuna gəlsin. Axı bir ədəd Mulsanne avtomobilinin daxili tərtibatına 22 inək dərisi sərf olunur, ağac materialdan hazırlanan səthlərin naxışları isə elə seçilir ki, sağ tərəfdəki naxışlarla sol tərəfdəkilər tamamilə eyni olsun.

Məhz buna görə cihazlar panelinə nəzər salarkən elə təəssürat yaranır ki, o, bütöv ağac parçasından hazırlanıb.

Şkalaları saat əqrəbi istiqamətində yerləşən spidometrin və taxometrin ölçüləri böyükdür və onlar qədimi saat üslubunda hazırlanıb. Onların siferblatları arasında bort kompüterinin displeyi yerləşdirilib, amma bu, cihazlar panelinin xarici görünüşünün yaratdığı ümumi təəssürata heç də xələl gətirmir.

Multimedia sisteminin ekranına gəldikdə, ekranı hazırlayanlar onu hərəkət etdirilə bilən xüsusi ağac təbəqənin altında gizlədiblər.

Soyuducu mayenin temperaturunun və bakda qalan yanacağın miqdarının göstəriciləri (analoq saatları ilə birlikdə) qeyri-standart yerə – mərkəzi panelə çıxarılıb. Onlar klimat-kontrolun və audiosistemin klavişlərindən bir qədər yuxarıda yerləşir.

Kapotun uzunluğunun ucbatından sükan arxasındakı yeri bir qədər hündür etmək lazım gəlib, əks halda sürücünün görmə imkanları məhdud olardı. Kreslolar elektrik mühərriki vasitəsilə idarə olunan tənzimləmə funksiyaları ilə təchiz olunub.

Həmçinin sükan çarxının vəziyyətini də tənzimləmək mümkündür. Oturacaqlar maksimal komfortu təmin edir, lakin yumşaqlıqlarına baxmayaraq, onların kürək hissəsinin profili dərindir. İkinci cərgəyə gəldikdə, orada kresloların əvəzinə geniş dəri divan quraşdırılıb. O, yumşaqlığına və zərifliyinə görə uşaq divanlarını xatırladır.
Sərnişinlərin komfortunu təmin etmək üçün salon qatlanan kiçik masalarla, ventilyasiya, isitmə və masaj funksiyaları ilə təmin edilib. Yeri gəlmişkən, bütün bunlar birinci cərgədə də var. Burada hətta iri gövdəli adam da rahatca yerləşə bilər, istər baş üzərində, istərsə də ayaqlar altında yetərincə yer var.

Təchizatı və texniki xarakteristikaları

Bentley Mulsanne avtomobilinin təchizatı olduqca zəngindir. Onun komplektasiyasına bunlar daxildir: dördzonalı klimat-kontrol, kruiz-kontrol, yağış və işıq sensorları, Bluetooth rabitəsi, açarsız giriş sistemi, 40 Gb yaddaşı olan sərt disklə təchiz olunmuş naviqasiya sistemi, 6 disklik CD-çeyncerlə və 14 dinamiklə təchiz olunmuş audiosistem. Avtomobilin baza təchizatına həmçinin bunlar daxildir: 8 təhlükəsizlik yastığı, ESC stabilizasiya sistemi ("Traction control” funksiyası ilə) və əyləclərin bloklanması əleyhinə ABS sistemi.

Ayrıca ödəniş müqabilində 21 düymlük eksklüziv disklər, arxa sərnişinlər üçün bir neçə monitorla təchiz olunmuş DVD-pleyer, 2200 vatt gücündə "NAIM” audiosistemi, yan və arxa tərəfi göstərən kameralar və adaptiv kruiz-kontrol sifariş etmək olar. Bunlardan başqa, alıcı istəsə, salona fərdi cizgilər əlavə oluna bilər. Buna alüminium elementlər, kuzovun 100 müxtəlif rəngləri, 9 növ müxtəlif dəri tipləri və eyni miqdarda ağac variantları sayəsində nail olunur.

Konstruktorlar mühərrikin həcmini olduğu kimi saxlayıblar – onun həcmi əvvəlkitək 6,75 litr təşkil edir. Amma bu mühərrik uzaq 1960-cı ildə modelin sələfinə quraşdırılan mühərrikdən köklü surətdə fərqlənir. Bu gün bu avtomobilə 505 at gücünə malik yeni V8 mühərriki quraşdırılır. O, iki turbinlə təchiz olunub, mühərrikin fırlanma anı 1 dəqiqdə 1800 dövrə ilə 1020 Nm təşkil edir.

Beləliklə, avtomobil böyük qüvvəyə malikdir. Yeni Mulsanne 100 km/saat sürəti cəmi 5,3 saniyəyə yığır və getdikcə sürətini artırmaqda davam edir. Avtomobilin maksimal sürəti isə 296 km/saat təşkil edir. Burada önəmli məqam ondan ibarətdir ki, maksimal sürətlə hərəkət zamanı avtomobil rəvan və sakit hərəkət edir. 8 pilləli avtomat transmissiya mühərriklə tandem təşkil edir.

Bu transmissiyada bir sürətdən digərinə keçid elə rəvandır ki, hiss olunmur. Transmissiyada ən yuxarı sürətə keçid 110 km/saat sürətlə hərəkət etməyə (1 dəqiqədə 1500 dövrə ilə) imkan verir. Yeni mühərrikdə yanacaq sərfi aşağıdır. Buna silindrlərin söndürülməsinə imkan verən yeni texnologiyadan istifadə sayəsində nail olunub (iş yükü az olduqda onlardan dördü işləmir). Qarışıq tsikldə yanacaq sərfi 100 kilometr məsafəyə 16,9 litr təşkil edir.

Yuxarıda qeyd edilənlərdən bu qənaətə gəlmək olar ki, ölçüləri və çəkisi ilə müqayisədə bu prestijli sedan olduqca cəlddir. Əlbəttə, ondan B-Class hetçbeki kimi manevrlilik gözləmək ağılsızlıq olardı. Amma hər halda yeni Mulsanne kələ-kötür yollarda özünü yaxşı tərəfdən göstərir, xüsusən avtomobilin aktiv pnevmoasqısını "Sport” rejiminə qoysaq, bunu açıq-aydın hiss edə bilərik.

Bu halda komfortun səviyyəsinin aşağı düşəcəyindən qorxmaq lazım deyil, çünki bu belə olmayacaq, kuzovun yana meyllənmələri isə azalacaq. Amma hər halda avtomobilin bütün potensialını üzrə çıxarmaq istəyənlər üçün düz yollar və traslar mövcuddur. Məhz belə hallar üçün avtomobil "Comfort” rejimi ilə təchiz olunub, bu rejimdə avtomobil, sanki, yolda hərəkət etmir, rahatca üzür.

Bazarda Bentley Mulsanne avtomobilini artıq bu yay tapmaq olar. Bu modelin qiyməti kifayət qədər baha olsa da (255 min avro), onun üçün artıq iki il sonraya növbə düzülüb.

900 at güclü G-Power X6 Typhoon RS Ultimate

KENT — Wed, 26 Jan 2011 11:48:21 GMT

BMW X6 M dünya bazarında ən güclü və sürətli krossoverlərdən sayılır. Amma onlarla Bavariya avtomobilini təkmilləşdirmiş G-Power tüninq atelyesinin mütəxəssisləri əmindirlər ki, BMW X6 M daha güclü və sürətli ola bilər. G-Power-in mütəxəssisləri BMW X6 M üçün yeni tüninq paketi hazırlayıblar. O, Bavariya krossoverini yeni səviyyəyə qaldırıb. Atelyedə 4,4 litr həcmə və 555 at gücünə malik standart V8 mühərrikini 5,5 litr həcmə və 900 at gücünə malik standart V10 mühərriki ilə əvəz ediblər.

Altı pilləli transmissiya ilə tandemdə işləyən bu yeni mühərriklə tam ötürücülü avtomobil 100 km/saat sürəti cəmi 4,2 saniyəyə yığır. Onun 200 km/saat sürət yığmasına isə cəmi 13 saniyə tələb olunur. Tüninq atelyesinin rəsmi məlumatlarına görə, 1 dəqiqədə 6.800 dövrə ilə fırlanma anı 870 Nm-ə çatan aqreqat avtomobili 330 km/saat sürətlə qovmağa qadirdir. Qeyd edək ki, adi BMW X6 M avtomobilinin maksimal sürəti 250 km/saatdır, onun 100 km/saat sürət yığmasına isə 4,7 saniyə sərf olunur.
G-Power Typhoon RS adlandırılan avtomobil modifikasiya olunmuş asqısı, karbon-keramik əyləc mexanizmləri (altı porşenli əyləclərlə), 23 düymlük disk və bodi-kitlə standart modeldən fərqlənir. Titan və karbon materiallarından geniş istifadə sayəsində atelyenin mühəndisləri avtomobilin çəkisini 150 kiloqram aşağı salmağa nail olublar.
Məlumata görə, cəmi 5 ədəd G-Power Typhoon RS avtomobili buraxılacaq.

Qeyd etmək lazımdır ki, bu, G-Power atelyesinin BMW X6 M üzərində ilk işi deyil. Ötən ilin qışında atelye "gücləndirilmiş” X6 M modelini təqdim etmişdi, onun mühərrikinin həcmi 4,4 litr, qüvvəsi isə 605 at gücü təşkil edirdi.

Anaların sevmədiyi 10 avtomobil

KENT — Wed, 26 Jan 2011 11:47:29 GMT

Hər gün yeni reytinqlərlə rastlaşırıq. Aralarından ən maraqlılarını isə sizə təqdim edirik. Bu dəfə sizi anaların sevmədiyi 10 avtomobillə tanış edəcəyik. Bu reytinqin əsas özəlliyi isə analar sevməsə də, uşaqlar tərəfindən sevilən modellərdən təşkil olunmasıdır.

Bu "ağır” seçimin əsas şərtləri:
- analar üçün cəlbedici görünməyən xarici görünüş
- ananı razı salmayan komfort
- ananın dözmədiyi səs-küy
- ananın ehtiyat etdiyi adrenalin
Beləliklə, reytinqin ilk avtomobili Porsche Boxster Spyder-dir. Bir çox gəncin xəyalını bəzəyən bu avtomobili analar sevmirlər. Bəlkə də, onları idman üslublu avtomobilin sürəti qorxudur.
İlk onluğa daxil olan avtomobillər arasında Mazda 3 MPS, Ford F-150 SVT Raptor 6.2, Lotus Exige, Chevrolet Cobalt SS, Mitsubishi Lancer Evolution X, Subaru WRX STI, Smart ForTwo, Nissan GT-R, Ariel Atom kimi adları görmək olar.

Bəlkə də, anaların narahatlığını və istəklərini nəzərə alsaq, avtomobilləri ehtiyatla idarə etsək, hətta ən sevmədikləri avtomobillər də onlar üçün əvvəlki kimi təhlükəli görünməz.

“Hər məkanın qəhrəmanı” ilə ilk görüş

KENT — Wed, 26 Jan 2011 11:46:27 GMT

İyulun 30-da keçirilən möhtəşəm tədbirlə Nurgun Motors şirkəti Yeni Nissan Patrol modelini təqdim etdi. Təqdimat mərasimi şirkətin Salamzadə küçəsi, 6 ünvanında yerləşən Nissan salonunda baş tutdu. Tədbirdə çoxlu sayda jurnalist və Nissan həvəskarı iştirak edirdi. Ağ pərdənin altında gizlədilən "Hər məkanın qəhrəmanı Nissan Patrol” bir qədər sonra qonaqlara nümayiş etdiriləcəkdi. Bu məqamı hamı həyəcanla gözləyirdi. Təqdimatdan öncə jurnalistlər üçün mətbuat konfransı təşkil olundu. Tədbiri giriş sözü ilə açan Nurgun Motors şirkətinin marketinq meneceri İlkin Qurbanov qeyd etdi ki, bu gün Azərbaycan avtomobil aləmində əlamətdar gündür. Avtomobil həvəskarlarının çoxdan bəri gözlədiyi yeni Nissan Patrol modeli rəsmi olaraq təqdim olunur və satışlarına start verilir. Daha sonra Nissan Patrolun tarixini əks etdirən qısa bir film nümayiş etdirildi. 50 illik əfsanə yenə də liderliyini qoruyur. Elə suallara keçmişkən, ilk sualımızı şirkətin brend meneceri Kamran Məmmədova ünvanladıq:
- Kamran bəy, Nissan Patrolun bundan əvvəlki nəsli dünyada, eləcə də Azərbaycanda sevilir. İndi ikinci əl bazarda Nissan Patrol modelini tapmaq çox çətindir. Bu da onunla bağlıdır ki, avtomobil sahibləri Patroldan o qədər razıdırlar ki, ondan ayrılmaq istəmirlər. Maraqlıdır, yeni Nissan Patrol bu uğurları təkrarlaya biləcəkmi?
- Düşünürəm ki, yeni Patrol bu uğurları nəinki təkrarlayacaq, hətta ötüb keçəcək. Çünki yeni model həm dizayn, həm mühərrik, həm də şassi baxımından tamamilə yenilənib. Avtomobilin istehsalında ən son texnologiyalardan istifadə olunub. Patrolun ərsəyə gəlməsinə böyük vəsait xərclənib, eyni zamanda, uzun müddət sınaqlar keçirilib.
Daha sonra avtomobilin üzərindəki örtük götürüldü və "qəhrəman”, jurnalistlərlə görüşə hazırdır. Onun siması gücündən, sürətindən, komfortundan, təhlükəsizliyindən xəbər verir. Yeni Patrol haqqında bundan öncəki buraxılışlarımızda yazmışdıq. Amma buna baxmayaraq, model haqqında kiçik bir məlumatı yenidən sizlərlə bölüşürük. Yeni Patrol 5,6 litr benzin mühərriklə təchiz olunub. Mühərrik 460 at gücü istehsal edir və 7 pilləli avtomatik transmissiya ilə tandemdə çalışır. Model ən son texnoloji yeniliklərlə təchiz edilib. Bu və test-drive barədə növbəti buraxılışda. Avtomobilin qiymətinə gəlincə isə, yeni Patrol 77 000 manatdan başlayan qiymətlərlə təklif olunur.

Mercedes-Benz C-Class: ikinci əl bazarında

KENT — Wed, 26 Jan 2011 11:42:48 GMT

Yeni Mercedes-Benz C-Class avtomobilinə bütün dünyada böyük tələbat var. Almanların bu avtomobili, həqiqətən, uğurlu alınıb. Onun sələfi də pis deyildi. W203 kuzovlu C-Class ikinci bazarda ən populyar Mercedes-Benz modellərindəndir. Əlbəttə, kimsə deyə bilər ki, alıcıları bu avtomobilin zahiri görünüşü, idman üslubu və digər bu kimi keyfiyyətləri özünə cəlb edir.

Amma bu avtomobilin kapotunda üçguşəli ulduz əvəzinə, "Hyundai”, "Kia”, yaxud "Ford” emblemi olsaydı, alıcılar onu bu qədər sevərdilərmi? Çətin! Buna görə də etiraf etmək lazımdır ki, W203 kuzovlu C-Class avtomobilini alarkən avtomobil həvəskarı, ilk növbədə, imic və status əldə etmiş olur. Çoxları deyə bilər ki, bununla o, həm də etibarlı avtomobil əldə etmiş olur. Amma mexaniklər bu fikirlə mübahisə edə bilərlər. Təəssüf ki, 21-ci əsrin əvvəlində istehsal edilmiş Mercedes-Benz avtomobillərinin keyfiyyəti ötən əsrin 60-80-ci illərində istehsal edilənlərinki qədər yüksək səviyyədə deyil.

Yeni əsrin ilk illərində buraxılan avtomo-billərin kuzovunun boyası heç də keyfiyyətli alınmadı – zaman keçdikcə o, parlaqlığını itirir və hətta bəzi yerlərdə qopurdu. Bu hal dəmirə ziyan yetirməsə də, hər halda xoşagələn hal deyildi. Buna görə də 2004-cü ildə Mercedes-Benz avtomobillərin rənglənmə texnologiyasını dəyişdirdi, bundan sonra lak-boya örtüyü ilə bağlı hər hansı problem yaranmadı.

W203 kuzovlu C-Class avtomobilinin əsas problemi elektrik qurğularındadır. Problemlər avtomobilin istənilən yerində yarana bilər. Məsələn, bəzən yandırma açarları işləmir (onlar adi iti uclu açarlardan deyil). Problem təkcə açarda olsa dərd yarıdır, ola bilər ki, problem məlumatları oxuyan və avtomobilin yandırma sistemini idarə edən elektron blokda olsun. Yeri gəlmişkən, açar pis işləməyə başlayıbsa və ya sadəcə olaraq, onu itirmisinizsə, cəld yenisini sifariş edin, axı onun hazırlanması təxminən ay yarım vaxt aparır! W203 kuzovlu C-Class avtomobilinin digər zəif yeri elektron siqnalların işlənməsi və enerjinin paylanması funksiyasını yerinə yetirən SAM bloklarıdır (C-Class avtomobilində multipleks ötürücü naqillərindən istifadə olunub). Çox vaxt baqaj bölməsində yerləşən SAM problem yaradır. Avtomobil ustalarının sözlərinə görə, bəzən, sadəcə olaraq, akkumulyatorun sönməsi SAM bloklarını sıradan çıxara bilər.

W203 kuzovlu C-Class avtomobilinin kapotunun altında çoxlu güc aqreqatları quraşdırılıb ki, bu da asanlıqla adamı çaşdıra bilər. Əvvəlcə 4 silindrli benzin mühərriklərindən başlayaq. İlk vaxtlar onların həcmi 2,0 litr idi. C180 versiyalı avtomobil 129 at gücünə malik idi, C200 modifikasiyası isə 163 at gücündə kompressorlu mühərriklə təchiz olunurdu. 2002-ci ilin mayından Mercedes-Benz şirkəti C-Class avtomobillərinə 1,8 litr həcmli 4 silindrli mühərrik quraşdırmağa başladı. Bu mühərriklər kompressorla təchiz olunmuşdu. Bu səbəbdən C180 versiyasına quraşdırılan mühərrikin gücü artaraq 143 vahidə çatdı, C200 versiyasının gücü isə əvvəlki kimi qaldı (163 at gücü). Bunlardan başqa, birbaşa yanacaqçiləmə sistemli və kompressorlu 1,8 litr həcmli mühərriki olan C200 CGI versiyasına da rast gəlmək olar (170 at gücü). 2004-cü ildən C230K versiyası işıq üzü gördü, onun mühərriki də kompressorludur və 1,8 litr həcmə malikdir, amma bu mühərrik 192 at gücündədir.

İndi isə V6 mühərriki quraşdırılmış C-Class avtomobillərinə keçək. Bunlar C240 (2,6 litr, 170 at gücü), C320 (3,2 litr, 218 at gücü) və C32 AMG versiyalarıdır. Sonuncu versiya 3,2 litr həcmə və 354 at gücünə malik mühərriklə təchiz olunub. 2005-ci ildə modernləşdirilmiş avtomobillərə 6 silindrli mühərrik quraşdırmağa başladılar. Beləcə, C230 (2,5 litr, 204 at gücü), C280 (3,0 litr, 231 at gücü) və C350 (3,5 litr, 272 at gücü) versiyaları işıq üzü gördü. C32 AMG versiyasına gəldikdə, 2004-cü ildə onu C55 AMG əvəz etdi. Bu "azman” avtomobilə 5,5 litr həcmi olan 367 at gücündə V8 mühərriki quraşdırıldı.

Dizel mühərriklərinə gəlincə, burada da vəziyyət sadə deyil. C200 CDI versiyasına 2,1 litr həcmli mühərrik quraşdırılıb. İlk vaxtlar onun qüvvəsi 116 at gücü təşkil edirdi (102 at gücünə malik variantlar da vardı). 2003-cü ildən bu mühərrikin qüvvəsi 122 at gücünədək artırıldı. Bu mühərrikdən bir pillə yuxarıda C220 CDI versiyası gəlir (2,1 litr, 143 at gücü, 2004-cü ildən 150 at gücü). Növbəti yuxarı pillədə isə C270 CDI versiyası qərarlaşıb (2,6 litr, 170 at gücü). Daha güclü dizel versiyaları da var, məsələn, 2003-cü ilin əvvəlində peyda olmuş C30 CDI AMG (3,0 litr, 231 at gücü) və C320 CDI (3,0 litr, 224 at gücü).

Bu mühərriklərdən hansı daha yaxşıdır? Hər şeydən əvvəl onu deyək ki, C-Class avtomobillərinə heç vaxt pis mühərrik quraşdırılmayıb. Son Mercedes-Benz modellərinin etibarlılığı ilə bağlı mütəmadi olaraq tənqidlər səslənsə də, güc aqreqatları məsələsində bu avtomobillərdə problem olmayıb. Amma yəqin ki, mühərrikinin gücü 150-dən artıq olan modelləri almaq daha yaxşıdır, çünki zəif mühərriklər Mercedes-Benz kimi prestijli avtomobilə, doğrudan da, yaraşmır.

İkinci bazarda 4 silindrli benzin aqreqatları quraşdırılmış C-Class avtomobillərinə daha çox rast gəlmək olar, axı onlar 4 silindrli mühərriki olan avtomobillərdən daha ucuz başa gəlir. 1,8 və 2,0 litr həcmli mühərriklər özlərini etibarlı və problem yaratmayan mühərrik kimi göstəriblər. Hesab edilir ki, onların zəif yeri kompressordur. Amma mexaniklər iddia edirlər ki, kompressorların xarab olması nadir hallarda və adətən böyük kilometrajdan sonra baş verir. Belə hallarda avtomobil sahibləri, demək olar ki, yeni kompressor almırlar, axı onun qiyməti çox bahadır. Adətən onlar işlənmiş kompressor axtarır, yaxud kompressoru təmir etməyə çalışırlar. Kompressorun mümkün qədər çox xidmət etməsi üçün hava filtrini mümkün qədər tez-tez dəyişmək lazımdır (bu sözlər xüsusən bizim tozlu yollar üçün aktualdır), həmçinin yağı da unutmaq olmaz.

Bütün benzin mühərriklərində qazbölüşdürücü mexanizm zəncirli ötürücüyə malikdir. Əlbəttə, zəncirin daimi olduğunu iddia etmək olmaz, amma onun 200 min kilometr məsafəyə davam gətirdiyini söyləyə bilərik, hərçənd ki, bəzən 4 silindrli aqreqatlarda bu mexanizm bir qədər tez sıradan çıxır. Avtomobil alarkən ustadan xahiş edin ki, drossel qapağının blokuna baxsın. Əslində onu mütəmadi təmizləmək lazımdır, amma avtomobil sahibləri çox vaxt bunu etmirlər. Nəticədə 150 min kilometr məsafədən sonra blok yararsız hala düşə bilər. Elektron sensorlara gəldikdə, onlar kifayət qədər etibarlıdır, hərçənd ki, havanın kütləsi sərfiyyatının sensoru mütəmadi olaraq sıradan çıxır. Ölkəmizdə o, bəzən 80 min kilometr məsafəyə davam gətirə bilir. Əgər bütün bu detalların qiymətləri alıcını qorxudursa, onda onun Mercedes-Benz əvəzinə, başqa model axtarması məsləhətdir, çünki müasir Mercedes-Benz avtomobillərinin istismarının ucuz başa gələcəyini düşünmək sadəlövhlük olardı. Məsələn, adicə yandırma şamlarını dəyişdirilməsi proseduru 6 silindrli mühərriki olan avtomobilin sahibinə 200 dollardan artıq məbləğə başa gələcək (yalnız orijinal platin şamlar almaq lazımdır). Əgər qənaətcillik edib bir müddət avtomobili nasaz şamlarla idarə etməyi qərara alsanız, katalizator və ya lyambda-zond sıradan çıxa bilər.

V6 mühərrikləri üçün əsas təhlükə dirsəkli valın şkivinin (çarxının) sıradan çıxmasıdır. Bu, mühərrikin məhvinə gətirib çıxarır, buna görə də hər dəfə texniki xidmət zamanı dirsəkli valın dempferinin vəziyyətini yoxlayın.

Son Mercedes-Benz avtomobillərinin böyük hissəsi avtomat transmissiyaya malikdir. C-Class avtomobillərinin çoxuna kifayət qədər etibarlı transmissiya quraşdırılsa da, hər halda onlarda problemlər yarana bilər. Mercedes-Benz təmsilçiləri əmin edirlər ki, avtomat transmissiyaya avtomobilin bütün istismar dövrü üçün yetərli olan yağ tökülüb, amma bizim ustaların çoxu hər 60-100 min kilometrdən sonra yağın dəyişdirilməsini məsləhət görürlər. Özü də bu prosedur xeyli əmək tələb edir və ucuz başa gəlmir. Avtomat transmissiyaların ən geniş yayılmış problemi yağın sızmasıdır. Əgər sızma cüzidirsə, buna əhəmiyyət verməmək olar, amma sızma ciddidirsə, onda yaxşısı budur avtomobili təmir etdirəsiniz. Qeyd edək ki, 6 pilləli mexaniki transmissiya avtomat transmissiyadan daha etibarlıdır, bəndləyicinin dəyişdirilməsini isə təxminən 150-180 min kilometrdən sonra həyata keçirmək olar.

Bazarda təkcə arxa ötürücülü deyil, həm də tam ötürücülü C-Class avtomobillərinə rast gəlmək olar, onlar 4Matic adlandırılır. Amma bu cür avtomobillərin mühərrikləri adətən güclü olur ki, bu da onların qiymətinə təsir göstərir. Həmçinin onu da qeyd edək ki, C-Class 4Matic avtomobilləri az istehsal olunub (tam ötürücülü E-Class avtomobilləri daha çoxdur). W203 kuzovlu Mercedes-Benz C-Class avtomobilinin ön asqısı McPherson tiplidir. Mercedes-Benz-in son dərəcə etibarlı avtomobil istehsalçısı imicinə baxmayaraq, C-Class avtomobilinin hərəki hissəsi bizim yollarda çox vaxt təmir tələb edir. Belə ki, hər bir-iki ildən bir və ya 20-40 min kilometrdən bir aşağı rıçaqların saylent-bloklarını dəyişdirməyə ehtiyac yaranır. Eynilə stabilizatorun dayaqlarının da ömrü çox uzun olmur. Amma hər halda hərəki hissəyə ən çox vəsait qoyuluşunu 100 min kilometr məsafədən sonra həyata keçirmək lazımdır. Adətən məhz bu zaman yeni köndələn və uzununa rıçaqlar, amortizatorlar, əyləc diskləri almaq lazım gəlir. Üstəlik, bu zaman çoxrıçaqlı arxa asqıda da problemlər yaranır, belə ki, 100 min kilometrdən sonra amortizatorlar, rıçaqlar və əyləc diskləri sıradan çıxmağa başlayır. Əgər hərəki hissəsini bütünlüklə təzələmək istəsəniz, təxminən 2000 dollar xərciniz çıxacaq, amma burada detallar əsas etibarilə tədricən sıradan çıxır. Buna görə də avtomobil sahibi qeyd edilən məbləği adətən birdən-birə deyil, 1-2 il ərzində ödəyir. Ustalar sıradan çıxmış detalların əvəzlənməsini yubatmamağı məsləhət görürlər: bütün digər müasir avtomobillər kimi C-Class-ın asqısı da onunla fərqlənir ki, bir detalın sıradan çıxması digər detallara da sirayət edir və az sonra onlar da sıradan çıxır.

Böyük kilometrajlı avtomobilə nəzər salarkən sükan reykasına xüsusi diqqət yetirmək lazımdır (C-Class avtomobilini hazırlayarkən Mercedes-Benz mütəxəssisləri vintli (dişli) mexanizmdən imtina etməyi qərara alıblar). Əgər reykada sızma baş versə, onu təmir etmək, çox güman ki, mümkün olmayacaq. Yenisi isə bahadır. Bundan başqa, sükan reykasının bərkidiciləri əvvəlcə, sadəcə olaraq, azacıq sızdığı halda sonradan sızma şiddətlənir və hirdogücləndiricinin bütün mayesi axıb gedir. W203 kuzovlu Mercedes-Benz C-Class avtomobilini alarkən avtomobil həvəskarı, ilk növbədə, imic və status əldə etmiş olur.

Qeyd edək ki, avtomobilin adındakı rəqəmlər güc aqreqatının həcmini dəqiqliklə deyil, təxmini ifadə edir. Məsələn, C280 modelində mühərrikin həcmi 3,0 litr, C240 modelində isə 2,6 litrdir. Təəssüf ki, W203 kuzovlu Mercedes-Benz C-Class avtomobili gözlədiyimiz qədər etibarlı deyil, hərçənd ki, onun həddən artıq problemli olduğunu da iddia etmək olmaz. Bu avtomobilin indiki nəslinin əsas problemi elektronika və asqı ilə əlaqədardır. Buna görə də böyük kilometrajlı bu cür avtomobili alarkən bilməlisiniz ki, ona xeyli vəsait qoyuluşu tələb oluna bilər. Amma digər tərəfdən, kimsə Mercedes-Benz avtomobilinin sahibidirsə, hesab edilir ki, həmin şəxsin yetərincə vəsaiti var, çünki bu avtomobilin qiyməti də həmişə özü kimi sanballı olub. Axı Mercedes-Benz hər şeydən əvvəl prestij deməkdir.

Великолепная «четвёрка».Представлен первый полноприводный автомобиль из Маранелло — Ferrari FF

KENT — Wed, 26 Jan 2011 11:36:32 GMT

Каемся: как и многие, мы не поверили в то, что легендарная компания Ferrari заменит модель 612 Scaglietti автомобилем с авангардным кузовом типа shooting brake. А зря: в Маранелло подготовили именно такой трёхдверный суперкар. Назвали его просто — Ferrari FF (Ferrari Four). А слово four («четыре») означает не только четыре посадочных места в салоне. Новинка — это первая в истории Ferrari полноприводная модель.Каемся: как и многие, мы не поверили в то, что легендарная компания Ferrari заменит модель 612 Scaglietti автомобилем с авангардным кузовом типа shooting brake. А зря: в Маранелло подготовили именно такой трёхдверный суперкар. Назвали его просто — Ferrari FF (Ferrari Four). А слово four («четыре») означает не только четыре посадочных места в салоне. Новинка — это первая в истории Ferrari полноприводная модель.О самой важной детали преемника «шестьсот двенадцатой», о полноприводной трансмиссии, итальянцы рассказали туманно. Пока доподлинно неизвестно, постоянный полный привод у Ferrari FF или подключаемый. Но есть данные о том, что решение носит имя 4RM (Ruote Motrici), является запатентованным механизмом и весит вдвое меньше аналогичных систем. Ко всему прочему создатели обмолвились о том, что 4RM работает в тесном сотрудничестве с системой стабилизации.С остальным всё более или менее ясно. В основе новинки — алюминиевая пространственная рама разработки концерна Alcoa. Суперкар FF длиннее предшественника на пять миллиметров (итого 4907 мм) и выше него на 35 (1379), но уже на четыре (1953). К слову, несмотря на наличие полного привода, четырёхместная трёхдверка весит меньше купе 612 Scaglietti: 1790 против 1840 кг.

Nissan GT-R Chrome

KENT — Sat, 22 Jan 2011 14:19:44 GMT

Состоятельные автовладельцы знают, что благодаря специальным виниловым покрытиям можно изменить внешний вид автомобиля всего за пару дней, а иногда и за несколько часов. Один британец, являющийся владельцем купе Nissan GT-R, приобрел этот японский спорткар в июле этого года, и за шесть прошедших месяцев примерил на машину уже второе виниловое покрытие.

Для начала этот любитель менять внешность авто попробовал матовое белое покрытие, которое дополнили тонированные задние фары и чёрные литые колёсные диски. По словам владельца, нанесение этого покрытия заняло два дня и обошлось ему в $2 640 плюс налоги.

Вскоре парень передумал и задумался о нанесении на кузов чего-нибудь хромированного. Как он сам пишет на британском форуме GTR, процесс нанесения этого хромированного покрытия был более сложным, а на его создание потребовалось больше времени, чем на работу с матовым белым цветом (около двух недель), и, соответственно, больше средств.